लायन्स क्लब अफ काठमाडौं दर्पणले सोमबार  सामुहिक देउसी भैलो कार्यक्रम आयोजना गर्ने

कपन अनलाइन

काठमाडौ, कार्तिक १०। बिगतमा जस्तै लायन्स क्लब इन्टरनेसनल डिस्ट्रिक ३२५ ए१ अन्तर्गतको लायन्स क्लब अफ काठमाडौं दर्पणले  सामुहिक देउसी भैलो कार्यक्रम आयोजना गर्ने भएको छ। २०७६ सालको शुभ दिपावली नेपाल सम्वत १९४० तथा छठ पर्वको अवसरमा शुभकामना आदानप्रदान सहित सामुहिक देउसी भैलो कार्यक्रम आयोजना गर्न लागेको हो ।

कार्तिक ११ गते सोमबार गोकर्णेश्वर नगरपालिका वडा नं ६ शंकर चोक लायन मनोज कुमार सुवेदीको निवास बेशिगाउमा अपरान्ह १:३० बजे देखि साँझ ७ :३० बजे सम्म सामुहिक देउसी भैलो खेल्न लागेको लायन्स क्लब अफ काठमाडौं दर्पणका प्रेसिडेन्ट लायन राजन ठकुरीले कपन अनलाइनलाइ बताए। उनले उक्त कार्यक्रम बाट संकलित रकमबाट जाडोको लागि ज्येष्ठ नागरिकहरुलाइ न्यानो कपडा को साथै असाहय बालबालिकाहरुको लागि शैक्षिक सामग्री बितरण गर्नको निम्ति सो कार्यक्रम आयोजना गरिएको बताए ।

परम्परागत रुपमा मनोरञ्जनका लागि मात्रै खेलिने देउसी भैलो पछिल्लो समय कला संस्कृतिको जगेर्नासँगै सामाजिक कार्यका लागि आर्थिक सङ्कलनको प्रभावकारी माध्यम बनेको छ।  उक्त कार्यक्रममा सहभागी हुनको लागि कार्यक्रम संयोजक लायन अच्युत बिष्टले सबैलाई अनुरोध गरेका छन्  ।