नेकपा चन्द्रागिरी नगर कमिटिको शुभकामना आदानप्रदान सम्पन्न
कपन अनलाइन
काठमाडौं ,कार्तिक ९।
नेपाल कम्युनिस्ट पार्टी चन्द्रागिरी नगर कमिटिको शुभकामना आदानप्रदान तथा चियापान कार्यक्रम सम्पन्न भएको छ । नेपाल कम्युनिस्ट पार्टीका केन्द्रिय सदस्य तथा काठमाडौं क्षेत्र नं ९ का प्रतिनिधि सभा सदस्य कृष्ण गोपाल श्रेष्ठको प्रमुख आतिथ्यतामा भएको सो कार्यक्रममा नेकपा केन्द्रिय सदस्य तथा प्रतिनिधि सभा सदस्य अन्जना बिशंखे,अमृता थापा मगर , बिना श्रेष्ठ,बिनोद श्रेष्ठ ,प्रदेस सभा सदस्य केशव पोखरेल,रमा आलेमगर विशेष अतिथि रहेका थिए ।
नेकपा चन्द्रागिरी नगर कमिटिका अध्यक्ष राजु श्रेष्ठको अध्यक्षतामा भएको सो कार्यक्रममा नेकपा प्रदेस कमिटि सदस्य हरिशरण थापा ,शंकर दुलाल,रुपा महर्जन ,श्री कृष्ण श्रेष्ठ ,नेकपा काठमाडौं जिल्ला कमिटि सदस्यहरु गोपी चन्द्र कार्की ,राम शरण आलेमगर ,बेलिमाया गले गणेश बहादुर कुँवर ,रविन्द्र रिजाल लगायत अतिथि रहेका थिए ।
सो कार्यक्रममा बोल्दै प्रमुख अतिथि श्रेष्ठले नेपाल विविध जात जाती र संकृतिको संगम रहेको र त्यसैको कारण यहाँ धेरै चाड पर्व र मौलिक संस्कृति रहेको बताउदै ति सव चाड पर्व प्रति सम्मान गर्नु पर्ने बताएका थिए । त्यस्तै श्रेष्ठले नेपाल सम्बत केवल नेवारी समुदायको मात्र नभई नेपालको मौलिक सम्बत रहेको भन्दै त्यसमा सबै नेपालीहरुले अपनत्व ग्रहण गर्नुपर्ने धारणा राखेका थिए ।
त्यस्तै भाइ टिकाको भोलिपल्ट बिदा दिने नेपाल सरकारको निर्णयको स्वागत गर्दै श्रेष्ठले काठमाडौं उपत्यकाका संस्कृति संरक्षण र प्रवर्धनमा आफुले सधै सक्रिय रहने बताएका थिए ।
कार्यक्रममा बोल्दै सभाध्यक्ष श्रेष्ठले नेकपा चन्द्रागिरीले जनताको सेवा र मौलिक परम्पराको प्रवर्धनलाई प्राथमिकतामा राखेको बताउदै कार्यक्रम सफल बनाउन सहयोग गर्ने सबैलाई धन्यवाद दिएका थिए ।
