गैंडाको खाग सहित ३ जना पक्राउ

कपन अनलाइन

काठमाडौं, माघ २९।
संरक्षित वन्यजन्तु गैंडाको खाग २ थान सहित ३ जनालाई काठमाडौं महानगरपालिका–२६ लैनचौरबाट केन्द्रीय अनुसन्धान ब्यूरो महाराजगंजबाट खटिएको प्रहरी टोलीले शनिबार पक्राउ गरेको छ ।

पक्राउ पर्नेमा गोरखा सिरान्चोक गाँउपालिका–२ का हरिबहादुर ढकाल र  डिलबहादुर ढकाल तथा उदयपुर त्रियुगा नगरपालिका–९ का  कृष्णबहादुर मगर रहेका छन् ।

हरिबहादुर ढकाल र कृष्णबहादुर मगर नेपाली सेनामा कार्यरत रहेको पाइएकोले दुबै जनालाई आवश्यक कारबाहिको लागि सैनिक प्रहरी गण, जंगीअड्डा भद्रकालीमा र डिल बहादुरलाई आवश्यक कारबाहीको लागि जिल्ला वन कार्यालय काठमाडौमा बुझाईएको छ । यस सम्बन्धमा प्रहरीले आवश्यक अनुसन्धान गरिरहेको छ ।