प्रदेश ३ को मुख्यमन्त्रीमा डोरमणि नियुक्त

कपन अनलाइन

हेटौडा,माघ २८।

प्रदेश ३ को मुख्यमन्त्रीमा एमाले प्रदेशसभा दलका नेता डोरमणि पौडेल नियुक्त भएका छन् । भोलि विहान ८ बजे सपथ तय भएको छ ।

एमाले र माओवादीले आइतबार पौडेललाई मुख्यमन्त्री नियुक्त गर्न प्रदेश प्रमुखलाई पत्र पठाएका थिए ।११० सदस्यीय प्रदेशसभामा एमाले एक्लैको बहुमत (५८ सांसद) छ । २३ सांसद रहेको माओवादी केन्द्रले पनि मुख्यमन्त्रीमा पौडेललाई समर्थन गरेको छ ।

आइतबार नै साँझ प्रदेश प्रमुख अनुराधा कोइरालाले पौडेललाई मुख्यमन्त्री नियुक्त गरेकी छन् ।