रिलायन्समा अन्तरमाध्यमिक स्तरीय विज्ञान विषयक हाजिरीजवाफ प्रतियोगिता हुने

कपन अनलाइनरिलायन्स एकेडेमीअन्तर्गत रिया विज्ञान विभाग तथा रियाका भूतपूर्व विद्यार्थीहरुको संगठनले संयूक्तमा आगामी भाद्र २५ गते देखि अन्तरमाध्यमिक विद्यालयस्तरीय विज्ञान विषयक हाजिरीजवाफ प्रतियोगिता आयोजना गर्ने भएको छ । ३ दिन संचालन गरिने यो प्रतियोगिता रिलायन्स इन्टरनेसनल एकेडेमीमा हुनेछ । उपत्यकाका १६ विद्यालय सहभागि हुने प्रतियोगिताका उत्कृष्ट ४ विद्यालयबीच फाइनल प्रतिष्पर्धा गरिने जानकारी रिलायन्स एकेड्मीका सहायक प्रधानाध्यापक बसन्तलाल लामिछानेले कपन अनलाइनलाई दिए ।

कपनमा नै पहिलोपटक आयोजना हुन लागेको यस किसिमको प्रतियोगिताबाट विद्यार्थीले नियमित विषयभन्दा पनि विज्ञानसँग सम्बन्धित जानकारी प्राप्त गर्नेछन् । प्रतियोगितामा प्रथम, द्वितीय र तृतीय हुने विद्यालायहरुलाई सिल्ड पदक र प्रमाणपत्र प्रदान गरिने जानकारी रिया भूतपूर्व विद्यार्थी संगठनका अध्यक्ष विनोद पन्तले दिए ।