नेकपा एमाले बुढानिलकण्ठ नगरपालिका वडा नं १० को धन्यवाद ज्ञापन कार्यक्रम सम्पन्न
कपन अनलाइन
काठमाडौ,माघ १३।
नेकपा एमाले बुढानिलकण्ठ नगरपालिका वडा नं १० कमिटीले निर्वाचनमा सहयोग गर्ने मतदाता र पार्टी कार्यकर्तालाई धन्यवाद ज्ञापन कार्यक्रम आयोजना गरेको छ ।
वडा नं १० को बालुवा खानीमा भएको कार्यक्रमको प्रमुख अतिथि नेकपा एमालेका केन्द्रिय सदस्य डा.राजन भट्टराई रहेका थिए भने अतिथि हरुमा प्रदेस सभा सदस्य दिपक निरौला ,कुसुम कुमार कार्की ,नेकपा एमाले प्रदेस नं ३ सदस्य सुन्दर पुर्कुटी ,जिल्ला कमिटि सदस्यहरु बिदुर विक्रम खड्का, मिठाराम अधिकारी ,सुशिला सिलवाल ,वडा नं १० का अध्यक्ष नवराज भट्टराई लगायत रहेका थिए ।
नेकपा एमाले बुढानिलकण्ठ नगरपालिका वडा नं १० कमिटिका कार्यबाहक अध्यक्ष जगत प्रसाद निरौलाको अध्यक्षतामा भएको सो कार्यक्रममा वक्ताहरुले निर्वाचन दौरानमा सहयोग गर्ने सबैलाई धन्यवाद दिदै आगामी दिनमा आफ्ना प्रतिवादत्ता र बाचाहरु पुरा गर्न लाग्ने बताएका थिए ।
कमिटिका सचिव हेम कुमार राईले संचालन गरेको कार्यक्रममा बोल्दै अध्यक्ष निरौलाले आफ्नो वडामा हुने हरेक विकास निर्माण र जन चासोका विषयमा सक्रियता पुर्वक भूमिका निर्वाह गर्ने धारणा व्यक्त गरेका थिए ।उनले अदुरदर्सी र व्यक्तिगत हितलाई केन्द्रमा राखेर गरिएको विकासले अहिले समस्या पारेको भन्दै वडामा अव दिगो विकास हुनु पर्ने बताएका थिए ।
