मंगसिर १५ गते बाम गठबन्धन सिन्धुपाल्चोक – काठमाडौ क्षेत्र नं ४ विसेष  भेला हुने

कपन अनलाइन 

काठमाडौ,मंगसिर १३

बाम गठबन्धन सिन्धुपाल्चोक – काठमाडौ क्षेत्र नं ४ निर्वाचन सहयोग समितीले शुक्रबार दिनको ३ बजे कपन पार्टी प्यालेस कपनमा निर्वाचन विसेष  भेला आयोजना गर्ने भएको छ। सिन्धुपाल्चोकबाट काठमाडौ बसाई सरि आएका मतदाताहरुलाई लक्षित गरि उक्त भेला आयोजना गरिएको आयोजकले जनाएको छ ।

काठमाडौ जिल्ला प्रतिनिधि सभा क्षेत्र नं ४ मा बाम गठबन्धनका साझा उम्मेदवारहरु डा राजन भट्टराई प्रदेश सभा १ का उम्मेदवार निर्मल कुइकेल र प्रदेशसभा २ का उम्मेदवार कुसुमकुमार कार्कीको पक्षमा प्रचार  गर्न यो भेला आयोजना हुने भएको छ।

सिन्धुपाल्चोकबाट यश क्षेत्रमा बसाइसरि आएका मतदाताको संख्या धेरै रहेको र प्रतिनिधिसभाका उम्मेदवार डा राजन भट्टराईको पनि सिन्धुपाल्चोकमै जन्मस्थान कारण भेलाले भावनात्मक सम्बन्ध सुदृढ हुने र मतदाता र उम्मेदवार बिच परिचित हुने वातावरण समेत सिर्जना हुने आयोजकको भनाइ रहेको छ