काठमाडौ महानगरपालिका वडा नं ७ को घर दैलोमा गगन थापा

कपन अनलाइन 

काठमाडौ,कार्तिक २३।

नेपाली कांग्रेसको तर्फ बाट काठमाडौं क्षेत्र नं ४ का उम्मेदवार गगन थापाले आज काठमाडौं महानगरपालिका वडा नं ७ चावहिलमा घर दैलो कार्यक्रम गरेका छन । सो घर दैलो कार्यक्रममा थापा संगै काठमाडौं क्षेत्र नं ४ प्रदेस क्षेत्र १ का उम्मेदवार नरोत्तम बैध र समानुपातिक सुचिमा रहेकी राधा घले लगायतको उपस्थिति रहेको थियो ।

थापाले घर दैलोको क्रममा स्थानीय संग छलफल र कुराकानी गर्दै आसन्न निर्वाचनमा आफुलाई आशिर्वाद र मत मागेका थिए । थापाले आफ्नो क्षेत्रको चुनावी प्रचार प्रसारको अभियान चावहिलको ऐतिहासिक चारुमती स्तुपामा कार्यक्रम गरि सुरु गरेका थिए ।

कामपा ३० निवासी थापाले आफ्नो प्रचार प्रसारको दोश्रो चरणमा खुल्ला घर दैलो कार्यक्रम गरेको र यो बिहान देखि बेलुका करिव ६ बजे सम्म चल्ने घर दैलोमा सहभागी एक कार्यकर्ताले बताए। उनले घर दैलोको क्रममा आफ्नो  योजना र काम समेटिएको  पर्चा पनि वितरण गर्दै आएका छन ।