कामपा वडा नं ८ मा राप्रपा वडा सदस्य उम्मेदवार सहित दर्जन भन्दा बढी एमालेमा प्रवेस
कपन अनलाइन
काठमाडौ,असोज २२ ।
नेकपा एमाले काठमाडौं महानगरपालिका वडा नं ८ कमिटिको आयोजनामा पार्टी प्रवेस कार्यक्रम सम्पन्न भएको छ । नेकपा एमालेका केन्द्रिय सदस्य तथा सांसद डा. राजन भट्टराईको प्रमुख आतिथ्यतामा भएको कार्यक्रममा काठमाडौ महानगरपालिकाका मेयर विद्या सुन्दर शाक्य , एमाले प्रदेस कमिटि सदस्य निर्मल कुइकेल,काठमाडौं क्षेत्र नं ४ प्रतिनिधि सभा क्षेत्र समन्वय कमिटिका संयोजक निर्मल देउला लगायतको उपस्थिति रहेको थियो।
सो अवसरमा किरण देउला,राप्रपा बाट महिला सदस्यकी उम्मेदवार भगवती भण्डारी ,राजकुमार सिंखडा ,मैयाँ श्रेष्ठ लगायत १ दर्जन भन्दा बढीलाई एमालेमा प्रवेस गराइएको थियो।
कार्यक्रममा बोल्दै प्रमुख अतिथि भट्टराईले आफुलाई सर्वसम्मत उम्मेदवार सिफारिस गरेर क्षेत्र नं ४ को विकासमा योगदान गर्ने मौका दिने सबैलाई धन्यवाद दिएका थिए ।यस क्षेत्रमाआफु सक्रिय रहेको र यहाको बस्तुस्थिति संग परिचित रहेको बताउदै उनले निर्वाचनको तयारीमा लाग्न कार्यकर्तालाई निर्देसन दिएका थिए।
काठमाडौं महानगरपालिका वडा नं ८ कमिटिका अध्यक्ष कृष्णमान श्रेष्ठको अध्यक्षतामा भएको कार्यक्रममा स्थानीय तथा क्षेत्रीय नेताहरुको उपस्थिति रहेको थियो ।
