बुढानिलकण्ठ नगरपालिका वडा नं ११ को शुभकामना आदान प्रदान कार्यक्रम सम्पन्न
कपन अनलाइन
काठमाडौ,असोज ११ ।
बुढानिलकण्ठ नगरपालिका वडा नं ११ ले शुभ विजया दशमी ,दिपावली ,छठ र नेपाल संवत ११३८ को अवसरमा शुभकामना आदानप्रदान तथा चियापान कार्यक्रम सम्पन्न गरेको छ।
बुढानिलकण्ठ नगरपालिकाका प्रमुख उद्दव खरेलको प्रमुख आतिथ्यतामा भएको सो कार्यक्रममा वडा नं ११ ले विगतका १०० दिनमा सम्पन्न गरेका कामहरुको विवरण पनि प्रस्तुत गरिएको थियो ।
उक्त कार्यक्रममा बुढानिलकण्ठ नगरपालिकाकी उपप्रमुख रमा राई ,विभिन्न वडाका अध्यक्षहरु वडा सदस्यहरु , राजनीतिक दलका प्रतिनिधिहरु ,विद्यालय ,सामाजिक संघ संस्थाका प्रतिनिधिहरु र स्थानीय हरुको उपस्थिति रहेको थियो ।
कार्यक्रमका प्रमुख अतिथि खरेलले जनताको हितमा रहेर उनीहरुको सुझाव अनुसार नगरपालिकाले आफ्ना योजना बनाउने र काम अगाडी बताउने बताएका थिए । उनले नगरपालिकाको प्राथमिकतामा खानेपानी र बाटो रहेको र यसको लागि वृस्तृत योजना सहित कार्य आरम्भ गरेको बताउदै आसन्न चाड पर्वहरुको शुभकामना दिएका थिए ।
त्यस्तै नगरपालिकाकी उपप्रमुख राईले पनि सुशासन सहित जनप्रेमी काम नगरपालिकाको प्रमुख काम रहेको बताउदै शुभकामना प्रदान गरेकी थिईन ।
कार्यक्रमका अन्य वक्ताहरुले आसन्न चाड पर्वको सुभकामना दीदै वडाले गर्ने हरेक रचनात्मक कार्यमा साथ र सहयोग दिने प्रतिवदत्ता व्यक्त गरेका थिए ।
कार्यक्रमका अध्यक्ष राजु अधिकारीले वडा ले १०० दिनमा गरेका कामहरुको विवरण प्रस्तुत गर्दै वडाले आगामी दिनमा जनताको सल्लाह र राय लिएर काम गर्ने बताउदै शुभकामना दिएका थिए । वडा सदस्य भगवती निरौलाले स्वागत मन्तव्य दिएको कार्यक्रमको संचालन रमा विकले गरेकी थिइन् ।
