बुढानिलकण्ठ नगरपालिका प्रमुखको अपिल

कपन अनलाइन 

काठमाडौ,भाद्र ४ ।

बुढानिलकण्ठ नगरपालिकामा मतदाता नामावली संकलन कार्य नेताको घरमा भएको भन्दै नगरपालिका कार्यालयमा तालावन्दी गरिएपछि बुढानिलकण्ठ नगरपालिकाका प्रमुख उद्दव खरेलले बिज्ञप्ति जारी गरेर समस्याको  समाधान खोज्न अपिल गरेका छन ।

अपिलमा उनले सत्य तथ्य बुझेर सबैको सहमतीमा आवश्यक काम कारबाही अगाडी बढाइने प्रतिवद्दता व्यक्त  गरेका छन ।उनले अपिलमा सबैखाले बेठीक शैलिको विरोध गर्नु जनताको मौलिक हक रहेको र नगर प्रशासनले  पनि यस्ता कार्यशैलिको विरोध गर्ने उल्लेख गरेका छन ।

यस क्रममा नगर प्रमुखको नाम नै तोकेर दादागिरी प्रस्तुत भयो भन्ने भनाईहरु प्रति  गम्भिर ध्यानाकर्षण भएको उनले अपिलमा उल्लेख गरेका छन ।

बुढानिलकण्ठ नगरपालिका प्रमुखको अपिल :

आदरणिय बूढानिलकण्ठ नगरवासी आमाबुबा, दाजुभाई तथा दिदी बहिनिहरु,
आम नगरवासि बाट आफ्नो मौलिक हक उपयोग गर्न तिव्र इच्छा प्रकट गर्दा समेत मतदाता नामावलीमा नाम लेखाउनको लागी निर्वाचन आयोगले सहज र सुलभ व्यवस्था गर्न नसकेको कारण आम नगरवासीले भोग्नु परेको असुबिधा र प्रति हामी अत्यन्तै दुखी छौँ।

तोकिएको समय भित्र दर्ता भएका फारमहरुको फोटो खिचाउने कार्य सम्पन्न हुन नसक्ने अवस्था रहेको जानकारी निर्वाचन कार्यालयलाई गराउँदा समेत आवश्यक स्रोत र साधन उपलब्ध हुन नसक्नुले आज धेरै जनताहरु मतदान अधिकार बाट बञ्चित हुने होकी भन्ने आशंका उब्जाएको छ।