तारकेश्वर नगरपालिका वडा नं ११ का योजना तथा कार्यक्रमहरु

कपन अनलाइन 

काठमाडौ,साउन १६।

तारकेश्वर नगरपालिका वडा नं ११ का मुख्य तथा सहायक सडकहरुको मर्मत ,सुधार र निर्माण गरी वडा भरी सहज आवागमनको व्यवस्था गर्ने मुख्य योजना रहेको वडा नं ११ की अध्यक्ष बिन्दु बुढाथोकीले बताइन ।

यस्ता सडकहरुमा नेपालटार देखी धर्मपाल थापाको घर हुँदै फुटुङ साङ्ला जाने बाटो कालोपत्रे गर्ने, कान्तिपुर प्यालेस देखी  युरिका स्कुल हुँदै मुलसडक छुने मार्ग कालोपत्र गर्ने , मुल सडक बाट बिन्ध्यबासिनी उकालो हुँदै चारघरे बाट मुल बाटो मर्मत गर्ने , वडा ८र ११ को वडा सिमाना बाटो खोल्ने र लाखेडोल भित्री बाटोहरु ढलान गर्नुका साथै आवश्यकता हेरी ब्लक इट्टा छाप्ने कार्य प्राथमिकतामा रहेको अध्यक्ष बुढाथोकीले बताइन ।

वडामा रहेको खानेपानीको समस्या समाधानका लागी हिरापुर हाइटमा खानेपानी बिस्तार गर्ने र अन्य स्थानको श्रोत पहिचान गरी संरक्षण र प्रयोगको योजना बनाउने वडा नं ११ ले जनाएको छ ।

वडा नं ११ मा रहेका सार्वजनिक जग्गाहरुको अभिलेख संकलन गरी तिनको उचित संरक्षण गर्नुका साथै उचित स्थानमा बाल उध्यान आदि बनाउने अध्यक्ष बुढाथोकीको योजना रहेको छ । बाल उत्थानका लागी  विवध  कार्यक्रम गर्ने अर्को महत्वपूर्ण योजना वडाले बनाएको छ ।

महिला तथा युवा लक्षित कार्यक्रम तर्फ सीपमुलक र आयआर्जनका तालीम दिई रोजगार सृजना गर्ने योजना वडाको रहेको छ ।

वडाका धार्मिक सम्पदाहरु बिन्ध्याबासिनी , पन्चेश्वोर महादेब मन्दिर संरक्षण गर्ने अध्यक्ष बुढाथोकीको विशेष योजना रहेको छ ।

नेपालटार पुल नजिक सार्बजनिक सौचालय निर्माण गर्ने र जरङ्खुमा जेष्ठ नागरिक लगायत सबैलाइ हुने भेटघाट चौतारी बनाउने योजना वडा नं ११ ले बनाएको  छ ।

वडामा रहेका शैक्षिक संस्थाहरु संग छलफल गरी शैक्षिक योजना निर्माण गर्ने अध्यक्ष बुढाथोकीले कपन अनलाइनलाई बताइन ।