कपनमा जीवन राइले तबला बजाउने

कपन अनलाइननयाँ वर्षको सुभारम्भको अवसरमा कपन संगीत सरोवरले शास्त्रीय संगीत अन्तर्गत एकल तबलावादन कार्यक्रम आयोजना गर्ने भएको छ । कपन संगीत सरोवरले नियमित अन्तिम सनिवार गर्ने कार्यक्रम अन्तर्गत नयाँ वर्ष विशेषको रुपमा तबलावादन कार्यक्रम आयोजना गरिएको कुरा संगीत संयोजक परशुराम पौडेलले बताए ।
दार्जलिङ्गका युवा पुूस्ताका चर्चित कलाकार जीवन राइले तबला बजाउने छन् । त्यसैगरी चैत्र ३१ गते साँझ ५ बजे हुने कार्यक्रममा भक्ति संगीतको पनि विशेष कार्यक्रम रहने कुरा पौडेलले बताए । कपन २ स्थित बगलामुखी मन्दिरमा नियमित आयोजना गरिने शास्त्रीय तथा भक्ति संगीतको कार्यक्रम पछिल्लो ६ वर्षदेखि हरेक महिनाको अन्तिम सनिवार संचालन हुँदै आएको छ ।