शंखरापुर नगरपालिका वडा नं ६ का योजना तथा कार्यक्रमहरु
कपन अनलाइन
काठमाडौ,साउन ७ ।
शंखरापुर नगरपालिका वडा ६ वडा भित्र भुकम्पले क्षतिग्रस्त सम्पदाको पुनर्निर्माण गर्न पुरातत्व विभाग संघ मिलेर काम गर्ने आफ्नो मुख्य योजना रहेको शंखरापुर नगरपालिका ६ वडाका अध्यक्ष राधाकृष्ण श्रेष्ठले कपन अनलाइन बताएका छन् ।
कृषि सडक ग्राबेल गर्ने काम सम्पन्न भैसके हुदा अब स्तर उन्नति गरि कालोपत्र गर्ने र वडाभरी सडकबत्ति जडान गर्ने योजनामा वडा रहेको छ । वडा भित्र रहेका सर्बजनिक जग्गा संरक्षण गरि उचित स्थान हेरेर स्थानीय खेल्कुद बिकासको लागि रंगशाला निर्माण गर्ने र लक्षित बर्गको कार्यक्रतर्फ महिला र युवाहरुको लागी उपयोगिता र प्रभावकारिता हेरेर विविध तालिम तथा उत्पादनमुलक कार्यक्रमहरु संचालन गर्ने योजनामा ६ वडा रहेको छ ।
वडा नबर ६ भित्र पर्यटन आकर्षकको केन्द्रको रुपमा रहेको साखु ३३ सय वर्ष पुरानो भएकाले यसको प्राचीन र पौराणिक महत्वपूर्णको जानकारी सबैलाई गराउने र यहाको संस्कृतिको जगेर्ना गर्दै नयाँ पिढीलाई पनि आफ्नो संस्कृति प्रति आकर्षण गराउदै सिकाउने लाने आफ्नो अर्को प्रमुख योजना रहेको वडा अध्यक्ष बताउछन ।
वडा भरि इन्टरनेटको पहुच पुराएर फ्री वाई फाई सेवा दिने वडाले योजना बनाएको छ । जेष्ठ नागरिकलाई घरमै सामाजिक सुरक्षा भता दिने, सार्वजनिक सौचालय निर्माण गर्ने, प्रतीक्षालय निर्माण गर्ने योजनामा वडा रहेको छ ।
स्वस्थ्य चौकीमा प्रयोगशाला सहितको आधुनिक मेसिन जडान गरि दक्ष डाक्टर ल्याउने र कृषि सहकारी खोली किसानको लागि विउ बिजन मल र बजारीकरण गर्न बिज्ञको सल्लाह लिने वडाको योजना रहेको छ ।
६ र ७ वडाको राजकुलो पुरानो अवस्थामा पानी फर्काउन सफल भएकाले संरक्षण गर्ने र वडा र स्थानीय जनता मिलेर खानेपानी समस्या समाधान गर्नलाई हालसालै सातवटा धारा जडान गरिएको साथै साडे २ कि मि पाइप विछ्याइएर भक्तपुरको छालिङबाट पानी ल्याएर बितरण गरिएको वडाले जनाएको छ । साखु आउने र सबैका लागि प्रवेशद्वार नजिक रहेको कलश पोखरी सफा गरि पानीको फोहोरा सहितको आकर्षण स्वागत बाटिका बनाउने योजनामा ६ वडा रहेको अध्यक्ष श्रेष्ठ बताए ।
