जिखेविस अध्यक्ष न्यौपानेद्वारा विद्धयालय स्तरीय फुटसल लिग समुद्घाटन

कपन अनलाइन
कपन क्षेत्रको निजि विद्धयालयहरुको संगठन प्याब्सोकले आयोजना गरेको अन्तर विद्धयालय स्तरीय फुटसल लिग आजबाट शुरु भएको छ । यो फुटसल प्रतियोगिता चावहिलको गोपीकृष्ण नगरमा अवस्थीत फुटसलमा शुरु भएको हो ।
फुटसल प्रतियोगिताको जिल्ला खेलकुद विकास समितिको अध्यक्ष धु्रवराज न्यौपानेले समुद्घाटन गरेका थिए । समुद्घाटन समारोहमा प्रमुख अतिथी न्यौपानेले खेलकुदको विकासका लागि विद्धयालय स्तरीय प्रतियोगीता आजको आवश्यकता रहेको र यस्ता प्रतियोगिताले खेलाडी उत्पादनमा ठुलो भुमीका खेल्ने बताए ।
आज उद्घाटीत प्रतियोगितामा २१ वटा विद्धयालयको सहभागीता रहेको छ । यस प्रतियोगीतको समापन फाल्गुन १२ गते आपुर्ती मन्त्री रोमी गौचन थकालीको प्रमुख आतिथ्यतामा हुने आयोजकले कपन अनलाईनलाई जानकारी गराए ।