‘भरोसा’ कपनले दियो छात्रवृत्ति

असोज २९, काठमाडौं । समाज उत्थानको लागि ‘भरोसा’ कपन, काठमाडौंले नेपालीहरुको महान् चाड विजया दशमी तथा शुभ दिपावलीको अवसर पारेर श्री जनकल्याण उ.मा.वि., बौद्ध–६, महाँकालकी कक्षा ९ कि छात्रा सङ्गिता श्रेष्ठलाई छात्रवृत्ति प्रदान गरेको छ ।
 विद्यालय प्राङ्गगणमा आयोजित शुभकामना आदान प्रदान कार्यक्रममा संस्थाकी अध्यक्ष रन्जिता के.सी.ले शारिरिक रुपमा अशक्त तर मानसिक तथा बौद्धिक रुपमा अत्यन्तै प्रभावशाली कपन–१, तेन्जिङ्ग चोक निवासी सङ्गिताको शैक्षिक बिकासका लागि संस्थाको तर्फबाट एकमुष्ठ रु.५०००÷– नगद विद्यालयकी प्राचार्य नर्बदा पोखरेललाई हस्तान्तरण गर्नुभएको थियो । कार्यक्रममै बोल्नुहुँदै संस्थाका सचिव अशोकराज पाण्डेले चाडवाडका बेला गर्ने चियापान कार्यक्रममा हुने खर्चलाई सदुपयोग गर्दै समाजिक दायित्व अन्तर्गत यो नगद छात्रवृत्ति प्रदान गरिएको र यस्ता कार्यक्रम आगामी वर्षहरुमा पनि जारी रहने बताउनुभयो ।