आइतवार तेज रोक्काको क्रिसमस अवसरमा शुभकामना तथा भेटघाट कार्यक्रम

कपन अनलाइन, पौष ८, २०७३

सामाज सेवामा चिनिएका तेजबहादुर रोक्काले क्रिसमसको अवसरमा शुभकामना आदनप्रदान तथा भेटघाट कार्यक्रम आयोजना गरेका छन् । इशाई धर्माबलम्वी रोक्काले क्रिसमसको अवसरमा सामजका सवै तह र तप्काका व्यक्तिहरुलाई समेटेर कार्यक्रम राख्न खोजेको जनाएका छन् । गोपिकृष्ण हल नजिक रहेको रोक्काको आफ्नै सारा चर्चमा सो कार्यक्रम आयोजना हुनेछ ।

२५ डिसेम्बर अर्थात पौष १० गते आइतवार आयोजना हुने कार्यक्रममा रोक्काले राजनीतिक दलका व्यक्तित्वहरुलाई पनि अतिथिको रुपमा बोलाएका छन् । क्रिसमस तथा अंग्रेजी पात्रोको नयाँ वर्षको अवसरमा आयोजना गर्न लागिएको सो कार्यक्रम बिहान ८.३० बजे हुने उनले बताए । नेपाली कांग्रेसका स्थानीय नेतासमेत रहेका रोक्का हालै क्रिस्चियन महासंघका केन्द्रिय सदस्यमा मनोनित भएका छन् ।