जाँड खाएर हानाहान, प्रहरीसमेत घाइते

कपन अनलाइन, पौष ५, २०७३

बुढानिलकण्ठ नगरपालिका १४ मा गए राति जन्मदिनको पार्टीमा अत्याधिक मदिरा सेवन गरेका व्यक्तिहरूले झगडा गर्दा रातभर  तनावग्रस्त बन्यो  । स्थानीय आदर्शनगर टोलमा भएको घरायासी जन्मदिनको पार्टीमा समावेस भएकाहरुले मदिरा सेवन गरी गरेको झगडामा दोहोरो इँटा हानाहान भएको थियो । इँटा हानाहान भएपछि टोल बासीहरू रातभरि सुत्न सकेनन् । टोलमा हानाहान हुन थालेपछि टोलबासीले मेट्रो कन्ट्रोललाई फोन गरे । फोनपछि  कपन प्रहरी प्रभागबाट प्रहरी गएको थियो ।

प्रहरी घटनास्थल पुग्दा मदिरासेवन गरेका युवाहरूले प्रहरीलाईनै ढुङ्गा हान्न थाले ।  प्रहरीले घटनामा टाउकोमा चोट लागेको व्यक्तिलाई उद्धार गर्न खोज्दा प्रहरीमाथी नै जाइलागेको बताइएको छ । यसरी टाउको फुट्नेमा राजन पौडेल ट्याक्सी चालक  पार्टीमा सहभागी सहभागि थिए । जाँड खाएका व्यक्तिहरूले कपन प्रहरीमा कार्यरत प्रहरी जवान युवराज घिमिरेलाइ घेराबन्दी कुटपिटमा उत्रिइएको जनाइएको छ ।

प्रहरी जवानलाई लक्षीत गरी हेल्मेट प्रहार गरिएको तर टाउको जोगाउदा घिमेरेको गर्दनमा चोट लागेको छ । जिल्ला सुनसरी घरभई हाल काठमाडौँ थली बस्ने २४ वर्षका प्रमोद पुरी र जिल्ला सोलुखुम्बु घरभई हाल काठमाडौँ कपन बस्ने २१ वर्षका दिपक भारतीलाई प्रहरीले नियन्त्रण लिएको । पुरी र भारतीलाई आवश्यक कारबाहीको लागि बौद्ध प्रहरी पठाइएको कपन प्रहरी प्रभागले जनाएको छ ।