सांसद् ल्हारक्याल लामा पक्राउ

काठमाडौँ, ३० फागुन । एकीकृत नेकपा(माओवादी)का सांसद् ल्हारक्याल लामा आज पक्राउ परेका छन्  ।
अकुत सम्पत्ति आर्जन गरेकोे आरोपमा अख्तियार अनुसन्धान आयोगले छानविनका लागि लामाको दरबारमार्गस्थित इन्भेष्टमेन्ट बैङ्कको लकर जाँच गर्दा बन्दुकको गोली बरामद भएपछि उनलाई   पक्राउ गरेको  हो ।

आयोगका प्रवक्ता कृष्णहरी पुष्करका अनुसार अनुसन्धानका लागि आयोगले सांसद् लामालाई इन्भेष्टमेन्ट बैङ्कमा लगेको र सो क्रममा उनको  लकरबाट १४ थान गोली भेटिएको जानकारी दिनुभयो ।

लामालाई अवैध हातहतियार तथा खरखजना ऐन २०१९ अनुरुप पक्राउ गरी कारवाहीका लागि दरबार मार्गस्थित प्रहरी प्रभागमा बुझाईएको उहाँले बताउनुभयो । रासस