प्रथम पिक प्वाईन्ट उपत्यकाव्यापी तेक्वान्दो प्रतियोगिता हुने

कपन अनलाइन/  १८ मंसिर
बुढानीलकण्ठ नगरपालिका वडा नं १६ मा रहेको पिक प्वाईन्ट तेक्वान्दो डोजाङ्ग, चुनिखेल  मंसिर २६ र २७ गते प्रथम पिक प्वाईन्ट तेक्वान्दो प्रतियोगिता हुने भएको छ ।
कार्यक्रमका संयोजक रोशन बोहराले दिएको जानकारी अनुसार उक्त प्रतियोगितामा उपत्यकाका ३० वटा डोजाङ्ग (स्कूल) का करिब ६०० जना प्रतिस्पर्धिले प्रतिस्पर्धा गर्नेछन् । १९ वटा विधा रहने प्रतियोगितामा प्रथम, द्धितीय तथा तृतीय हुनेहरुलाई सिल्ड तथा उत्कृष्ट एक–एक महिला र पुरुष खेलाडीले नगद पुरस्कार पनि प्राप्त गर्ने बोहराले बताए ।
प्रतियोगिताको उद्घाटन काठमाडौँ निर्वाचन क्षेत्र नंम्बर ४ का माननीय सांसद गगन थापा र समापन युवा तथा खेलकूद मन्त्री सत्यनारायण मण्डलले गर्ने पनि बोहराले बताए ।