इनड्राइभद्वारा नेपालका चालकहरूका लागि रु. २२ लाख बराबरको इन्धन सहयोग घोषणा

कपन अनलाइन

काठमाण्डौ ,चैत २५।

विश्वव्यापीमोबिलिटी एण्ड डेलिभरी प्लेटफर्म इनड्राइभले नेपालमा बढ्दो इन्धन मूल्य र महँगीको प्रभावलाई मध्यनजर गर्दै आफ्ना ड्राइभर पार्टनरहरूलाई सहयोग गर्न रु २२ लाख बराबरको इन्धन सहयोग गर्ने घोषणा गरेको छ। यस पहलमार्फत कम्पनीले चालकहरूको आर्थिक दबाबकमगर्दै उनीहरूको आम्दानीलाई स्थिर राख्न सहयोग गर्ने लक्ष्य राखेको छ।
नेपालमा राइड–हेलिङ सेवाको विस्तारसँगै हजारौं चालकहरूकालागि यो महत्वपूर्ण रोजगारीको स्रोत बनेको छ । साथै, यात्रुहरूले पनि सहज र किफायती यातायात सेवाउपभोग गर्दै आएका छन् । तर पछिल्लो समयइन्धन मूल्यमा भएको निरन्तर वृद्धिले चालकहरूको सञ्चालनखर्च बढाएको छ, जसले उनीहरूको दैनिक आम्दानीमा प्रत्यक्ष असर पुर्याएको छ । अर्कोतर्फ, यात्रुहरूपनि भाडा वृद्धिप्रति संवेदनशील रहेको अवस्थामा बजारमा सन्तुलन कायम राख्नु चुनौतीपूर्ण बन्दै गएको छ।
यही दोहोरो चुनौतीलाई सम्बोधन गर्न इनड्राइभले चालकहरूको दिगोपन र यात्रुहरूको किफायती सेवाबीच सन्तुलन कायम गर्ने प्रतिबद्धता जनाएको छ। कम्पनीले चालक समुदायबाट उठिरहेका चासो र गुनासाहरूलाई गम्भीरतापूर्वक लिँदै, यातायात क्षेत्रका संरचनात्मक समस्याहरू समाधान गर्न भइरहेको पहलहरूलाई पनि समर्थन गरेको जनाएको छ।
चालकहरूका लागि इन्धन सहयोग पहल
बढ्दो सञ्चालन लागतलाई ध्यानमा राख्दै इनड्राइभले २०२६ अप्रिल १५ (वैशाख २, २०८३) देखि लागू हुने गरी रु २२ लाखको इन्धन सहयोग कार्यक्रम सुरु गर्ने घोषणा गरेको छ । यो कार्यक्रम मार्फत इन्धनमूल्य वृद्धिबाट प्रभावित चालकहरूको आर्थिक भार कमगर्न मद्दत पुग्ने अपेक्षा गरिएको छ।
यस पहलले चालकहरूको आम्दानीमा आएको दबाबलाई न्यूनीकरण गर्नुका साथै यात्रुहरूमाथपआर्थिक भार नपार्दै सेवा निरन्तरता कायम राख्न सहयोग गर्ने लक्ष्य राखेको छ। यसले बजारअनुकूल र व्यवहारिक समाधानमार्फत चालकहरूको दिगोपन सुदृढ गर्ने तथा किफायती यातायात सेवानिरन्तर उपलब्ध गराउने इनड्राइभको प्रतिबद्धतालाई पुनः पुष्टि गर्दछ।