गजल : लक्ष्मी स्मृति

कपन अनलाइन

काठमाण्डौ ,भाद्र १४।

बैगुनीलाई गुनलगाउनु भुल रैछ मेरो ।
आफ्नै ठानी पछि आउनु भुल रैछ मेरो।

सुखदुःखतितोमिठो सबै भयो ब्यर्थ,
ढुंगा जस्तो मन समाउनु भुल रैछ मेरो ।

मेरो जस्तै उन्को मुटु पनि होला कोमल,
सम्झिएर नजिक धाउनु भुल रैछ मेरो ।

अब म त एक्लो छैन सुनाएर जूनलाई,
आधा रातमागुन्गुनाउनु भुल रैछ मेरो ।

थाहा थिएन म भत्किएर रमिता हुनेछु,
खण्डहरमा दिप जगाउनु भुल रैछ मेरो ।

सहकार्य : कपन बानेश्वर साहित्यिक साप्ताहिक