गीत : लीलाराज दाहाल

कपन अनलाइन

काठमाडौँ, साउन ३१।

तिमी हिँड्ने बाटोमा फूल छरिदिउँला
पैताला टेक्ने ठाउँ नरम राखिदिउँला !

मनमा छन् के कुरा, नलुकाइ भन
पछि त के होला, धड्कन बढ्ला झन
तिमीलाई सिँगारी चट्ट पारिदिउँला
पैताला टेक्ने ठाउँ नरम राखिदिउँला !

कहिले हो तिमीले वाचा कसम खाने
पर्खेरै बित्ने भो कहिले तिमीलाई लाने
तिमी मुस्कुराए त जूनै टिपिदिउँला
पैताला टेक्ने ठाउँ नरम राखिदिउँला !

सहकार्य : कपन बानेश्वर साहित्यिक साप्ताहिक