गजल : लीलाराज दाहाल
कपन अनलाइन
काठमाण्डौ , जेष्ठ ५ ।
हरेक दिन जसो मर्दैछ यो शहर
बाँचे जस्तो मात्रै गर्दैछ यो शहर ।
हाहाकारमा सधैं रमाई रहन्छ
ईमानमा तल झर्दैछ यो शहर ।
हुनेलाई छ सधैं यहाँ मोजमस्ती
नहुनेलाई आँखा तर्दैछ यो शहर ।
ईमानदार कसरी बाँचुन बिचरा
अभावको जहर छर्दैछ यो शहर ।
कहाँ छ यहाँ खै, समान वितरण !
आफ्नै झोली मात्रै भर्दैछ यो शहर ।
सहकार्य : कपन बानेश्वर साहित्यिक साप्ताहिक
तपाइँको प्रतिक्रिया ।
