घुम्ती कविगोष्ठी नेपालको १३५ औँ कार्यक्रम सम्पन्न

कपन अनलाइन

काठमाण्डौ,फागुन १३।

घुम्ती कविगोष्ठी नेपालको १३५ औँ शृङ्खलाको कविगोष्ठी सम्पन्न भएको छ । कविगोष्ठी भक्तपुरको मध्यपुर ठिमी नगरपालिका–८ , बोडेको सूर्योदय समाजस्थित सहित्यकार तथा स्रष्टा पदयात्राका अध्यक्ष शीतल गिरीको निवासमा भएको थियो । शीतल गिरीकै अध्यक्षतामा भएको सो कार्यक्रममा कल्पतरुका प्रकाशक एवम् प्रधान सम्पादक नवराज पुडासैनी ‘ज्योत्स्ना’को प्रमुख आतिथ्यता रहेको थियो । अन्य अतिथिहरूमा कवि वसन्त रिजाल, खोलाघरे साहिँलो, महेन्द्र चालिसे, डा. कृष्ण सुवेदी ‘भारद्वाज मित्र’, जन्मभूमि पुस्तकालय बोडेका अध्यक्ष सजीव श्रेष्ठ, वरिष्ठ सङ्गीतकार एन.बी. जनकपुरी र डा. बालचन्द्र मिश्र रहेका थिए ।
कार्यक्रम शीतल गिरीको जन्ममहिना पारेर गरिएको हुनाले आसनग्रहणपश्चात् घुम्ती कविगोष्ठीका अध्यक्षले सयपत्री फूलको माला लगाइदिँदै शतायुको कामना गरेका थिए  ।

बिहान ८ बजेबाट सुरु भएको यो कार्यक्रममा घुम्ती कविगोष्ठी नेपालका उपाध्यक्ष त्रिलोचन आचार्यले स्वागत मन्तव्यसहित कविता वाचन गर्नुभएको थियो । त्यसपछि कविता वाचन गर्ने कविहरूमा अतिथि लगायत ओमप्रसाद कोइराला, शारदा पराजुली, बुद्धिसागर पौडेल, रुबी सत्याल, जयराम बिडारी, शोभा पोखरेल, गङ्गाप्रसाद भेटवाल र परशुराम पराशर रहेका थिए  ।

१० बजे समापन भएको यस कार्यक्रमको अन्त्यमा घुम्ती कविगोष्ठी नेपालका अध्यक्ष माधवलाल श्रेष्ठले कविता वाचनसहित धन्यवाद  दिएका थिए भने  कार्यक्रको सञ्चालन घुम्ती कविगोष्ठीका सचिव रामकुमार पण्डितले गरेका थिए ।

तपाइँको प्रतिक्रिया ।