रचनात्मक अभ्यासमा नेकपा एमाले बुढानिलकण्ठ , माघ १६ गते अन्तर कमिटी हाजिरी जवाफ गर्ने
कपन अनलाइन
काठमाडौं,माघ १४।
हालसम्म नगरपालिकाका १३ मध्य १२ वटा वडाको अधिवेसन सम्पन्न गरेको नेकपा एमाले बुढानिलकण्ठ नगर कमिटीले रचनात्मक गतिविधिहरुलाई प्राथमिकता दिदै माघ १६ गते अन्तर कमिटी हाजिरी जवाफ प्रतियोगिता आयोजना गर्न लागेको छ।
१३ वटा वडा कमिटी र तिन वटा जन संगठनका १६ वर्ष देखि २५ वर्ष उमेर समुहका सदस्यहरुको सहभागिता रहने सो प्रतोयोगिता माघ १६ गते दुई चरणमा सम्पन्न हुने नगर कमिटीका अध्यक्ष प्रदिप डंगोलले जानकारी दिएका छन।
नेपाली कम्युनिस्ट आन्दोलान , विश्व कम्युनिस्ट आन्दोलन , बुढानिलकण्ठ नगरपालिकाका विभिन्न पक्ष तथा विज्ञान प्रविधिका विषयहरुमा तयार पारिएको प्रश्नावलीबाट प्रतोयोगिता संचालन हुने जानकारी दिदै अध्यक्ष डंगोलले विजेताहरुलाई नगद पुरस्कारको व्यवस्था गरिएको बताएका छन।
माघ १६ गते वडा नं ३ मा रहेको बुढानिलकण्ठ मन्दिर परिसरमा बिहान ८ बजे देखि शुरु हुने सो प्रतोयोगितामा हाजिरी जवाफ संगै अन्य गतिविधिहरु पनि हुनेछन ।
