काठमाण्डौ महानगर रास्ट्रपति रनिङ्ग शिल्ड : छात्रा भलिबलको उपाधि जनकल्याण मावी महांकाललाई
कपन अनलाइन
काठमाडौं , पुस १९।
तेस्रो राष्ट्रपति रनिङ् शिल्ड प्रतियोगितामा छात्रा भलिबलतर्फ वडा नं. ६ मा रहेको जनकल्याण माध्यमिक विद्यालयले पहिलो स्थान हासिल गरेको छ ।
आज कन्या माध्यमिक विद्यालय, न्होखामा फाइनल खेल भएको थियो । खेलमा विजेश्वरी ज्ञान मन्दिर सैनिक महाविद्यालयले दोस्रो र कन्या मन्दिर माध्यमिक विद्यालय न्होखाले तेस्रो स्थान हासिल गरे । खेलमा गीताञ्जली कलेजले सान्त्वाना स्थान हासिल गरेको छ ।
आज नै सम्पन्न कवड्डी खेलमा छात्रतर्फ नासा इन्टरनेशनल कलेज विजेता बनेको छ । खेलमा भानु माध्यमिक विद्यालयले दोस्रो स्थान हासिल गर्यो । खेलमा एक्स्पोडेल पब्लिक स्कूल र शान्ति विद्या मा. वि. ले तेस्रो स्थान हासिल गरेका छन् ।
कवड्डी छात्रातर्फ पद्मकन्या माध्यमिक विद्यालयले प्रथम, बिजेश्वरी ज्ञान मन्दिर सैनिक महाविद्यालयले दोस्रो स्थान हासिल गरे । कन्या मन्दिर माध्यमिक विद्यालय र कोटदेवी माध्यमिक विद्यालयले तेस्रो स्थान हासिल गरेका छन् ।
