उदाहरणीय महिला नेतृत्वको नमुना प्रस्तुत गर्न वडा नं १० कमिटी अध्यक्षमा मेरो दावी : कमला कार्की
कपन अनलाइन
काठमाण्डौ,पुस १३।
नेकपा एमाले बुढानिलकण्ठ नगरपालिका वडा नं १० कमिटीकी उपाध्यक्ष कमला कार्कीले उदाहरणीय महिला नेतृत्वको नमुना प्रस्तुत गर्न आफुले अध्यक्ष पदमा दावी गर्ने बताएकी छन।
भोलि पुस १४ गते हुने वडा अधिवेसनमा वडा नं १० कमिटिको अध्यक्षमा दावी गरेकी कार्की हाल वडा कमिटीको कार्यबाहक अध्यक्षका रुपमा क्रियाशील रहेकी छन।
नगरपालिकाको सबैभन्दा बाढी जनशंख्या रहेको वडा नं १० को संगठन र जनपरिचालनलाई व्यवस्थित बनाउदै पार्टीलाई मजबुत बनाउनका लागि आफ्नो दावी रहेको बताउने कार्कीले यस पटक महिला नेतृत्वलाई पार्टीले स्थान दिने आशा समेत व्यक्त गरेकी छन।
बुढानिलकण्ठ नगरपालिकाको सबैभन्दा ठुलो वडाका रुपमा रहेको वडा नं १० ले आगामी सनिवार १० बजे हुने सो अधिवेसनको तयारी अन्तिम चरणमा पुगेको आयोजकले जानकारी दिएको छ ।
वडा नं १० मा रहेको कार्की इभेन्ट्समा हुने सो अधिवेसनमा साविक कपन गाविस वडा नं ३ र हाल वडा नं १० बाट निर्वाचित जनप्रतिनिधिहरुलाई सम्मान गर्ने तयारी गरिएको छ ।
