तथ्य थाहा छैन : शान्ति रिसाल (कविता )

कपन अनलाइन

काठमाण्डौ ,कार्तिक १८।

तथ्य थाहा छैन
मात्र अनुमान
१५ खर्व वार्षिक बजेट
१७ खर्ब ऋण
बरै ब्याज २ खर्ब
श्रीलंका मेरो देशबाट कति टाढा
तथ्य थाहा छैन
ऋणमय एयरपोर्टमा वार्षिक
पर्यटक आगमन मात्रै एघार
सत्य थाहा छ
१५ खर्बमा
जाबो २५ अर्ब ऋण किन यरपोर्टमा
यो पनि थाहा छैन
एक लाख सत्चालीस हजार पाँचसय सोह्र
लगभगको सेरोफेरोमा
ब्याज तिर्न फेरि फेरि ऋण लिन
अर्को अन्तर्राष्ट्रिय एयरपोर्ट किन
सत्य थाहा छैन
५३ लिटरको तेलमा पूर्वाधार विकास, वातावरण
संरक्षण कर किन
विकासे ऋण लिन
कल्याणकारी देशको सुन्दर मुहार कोर्न
नाई नाई
तुइन र पुलको ठाउँमा
चिलगाडीमा ओहोरदोहोर गर्न
विकासको अद्भूत प्रतिफल
तलब भत्तामा अहा ! समायोजन गर्न

सहकार्य : कपन बानेश्वर साहित्यिक साप्ताहिक