तीजको अवसरमा अनेम संघ बुढानिलकण्ठको रचनात्मक अभ्यास ….
कपन अनलाइन
काठमाण्डौ ,भाद्र २६ ।
अखिल नेपाल महिला संघ बुढानिलकण्ठ नगर कमिटीको आयोजनामा तीजको अवसर पारेर वक्तृत्व कला प्रतियोगिता सम्पन्न भएको छ।
अनेम संघ बुढानिलकण्ठ नगर कमिटीकी अध्यक्ष ज्ञानु थापाको अध्यक्षता र अनेम संघका केन्द्रीय महासचिव पेम्बा लामाको प्रमुख आतिथ्यतामा भएको कार्यक्रममा विभिन्न विषयहरुमा सहभागीहरुले आफ्नो प्रस्तुति दिएका थिए।
नेकपा एमालेकी केन्द्रीय सदस्य तथा बुढानिलकण्ठ इन्चार्ज सरिता न्यौपाने, नगर प्रमुख मिठाराम अधिकारी,बागमती प्रदेस सभा सदस्य जयराम थापा,नेकपा एमालेका नगर अध्यक्ष प्रदिप डंगोल,अनेम संघ जिल्ला सदस्य तथा बुढानिलकण्ठ इन्चार्ज भगवती निरौला सहित विभिन्न वडाका वडा अध्यक्ष तथा जनप्रतिनीधिहरुको उपस्थितिमा भएको कार्यक्रममा विविध सांस्कृतिक कार्यक्रमहरु पनि रहेका थिए।
उक्त वक्तृत्व कला प्रतियोगितामा महिला उधमशिलता विषयमा वडा नं १२ की पवित्रा आचार्य विजयी बनेकी थिइन् भने महिला अधिकार विषयमा वडा नं ९ की पार्वती मगर प्रथम भएकी थिइन्।
त्यस्तै महिला शशक्तिकरण विषयमा वडा नं १२ की कविता भट्टराई प्रथम भएको सो कार्यक्रममा सरिता न्यौपाने ,भगवती निरौला ,मिना विस्ट ,गंगा मैनाली डोल्मा शेर्पा र सुशिला कठायत निर्णायक रहेका थिए।
अनेम संघ बुढानिलकण्ठकी सचिव सावित्रा कँडेलले संचालन गरेको सो कार्यक्रममा बोल्दै वक्ताहरुले तीज पर्व र यसको महत्वका वारेमा आफ्नो धारणा व्यक्त गरेका थिए।
