कपन अनलाइन
काठमाण्डौ ,साउन ३।
बुढानिलकण्ठ नगरपालिका वडा नं १० मा रहेको रिलायन्स इन्टरनेसनल एकेडेमीले एसईइ परिक्षामा काठमाण्डौ जिल्ला भरिका सामुदायिक विद्यालयहरु मध्य उत्कृस्ट नतिजा ल्याउदै प्रथम स्थान हाशिल गरेको छ।
५० जना भन्दा बढी विद्यार्थीहरु एसईइ परिक्षामा सामेल गराउने विद्यालयहरु मध्य सबैभन्दा उत्कृस्ट नतिजा हाशिल गर्दै प्रथम बनेको सो विद्यालयले औसत जिपिए ३.७६ प्राप्त गरेको छ।
शिक्षा विकास तथा समन्वय इकाई काठमाण्डौ जिल्लाको प्रारम्भिक विश्लेषणका अनुसार सो विद्यालय जिल्लामै उत्कृस्ट बनेको छ भने समग्रमा पनि पाचौ स्थान हाशिल गर्न सफल बनेको छ।सो विश्लेषणका अनुसार दोश्रो स्थानमा फ्लोरिसेंट मावी बानियाटार र तेश्रोमा इम लाइन स्टाकुल जोरपाटी रहेका छन।
कक्षा ११ र १२ को नतिजामा पनि निरन्तर देशमै उत्कृस्ट १० मा पर्न सफल भएको रिलायन्स इन्टरनेसनल एकेडेमीबाट सो परिक्षामा कुल ११७ जना विद्यार्थी सामेल भएका थिए ।
