जय बुढानिलकण्ठ : कृष्ण भट्टराई (कविता )

कपन अनलाइन

काठमाडौँ, असार २९  ।

ए नजर तेरो कस्तो नजर

जति राम्रो गरे पनि नहुने

तेरो / हाम्रो नजर

केहि त राम्रो भए होलान

की सबै नराम्रो मात्र होर ?

एउटा नजर छ जो सधै राम्रो देखछ्

सधै राम्रो सुन्छ सबैको भलो होस भन्छ ।

अर्को ठ्याक्कै उल्टो छ

अर्को आखा जो छ

उ कसैको राम्रो देख्दैन

राम्रो लाई पनि धूमिल देखछ्

फोहोर देखछ् , नराम्रो देखछ्

सकेसम्म गलत नै हो

भन्ने पार्न खोज्छ उक्साउछ

धमकाउछ सहिलाई गलत

सावित गराउन

आफ्नो बलले नभ्याए पनि

बिरोधको लागि विरोध गरीरहन्छ ।

हो उसलाई पनि थाह छ

म सही छैन सबै गलत हैन

तर पनि

आफ्नो अस्तित्वको हेक्का राख्दैन

कहा टेकेको छु हेर्दैन

उ निरन्तर लागि रहन्छ लागि रहन्छ

समय सँगै हाम्रो बुनपा अघि बढीरहन्छ ।