असार २३ गते (भोलि ) नेकपा एमालेका अध्यक्ष केपी ओली कपन आउने…..
कपन अनलाइन
काठमाण्डौ ,असार २२।
असार २३ गते (भोलि ) दिउसो २ बजे नेकपा एमालेका अध्यक्ष केपी ओली कपन आउने भएका छन।
नेकपा एमालेकाे युवा संगठन राष्ट्रिय युवा संघ नेपालले आयाेजना गरेकाे काठमाडाैं उपत्यका स्तरिय भ्याली फुटसल च्याम्पियनसिपकाे फाइनल खेलको समापनमा अध्यक्ष ओली बुढानिलकण्ठ -१० कपन आउन लागेका हुन् ।
किकर्स काठमाडाैं फुटसल कपनमा भव्य समाराेहबीच हुने फाइनल खेलमा २१ टिमले प्रतिष्पर्धा गर्ने युवा संघले शुक्रबार पत्रकार सम्मेलनमार्फत जानकारी दिएकाे छ । ती २१ टिमकाे प्रतिष्पर्धापछि विजेता र उपविजेता टिम टुंगाे लाग्नेछ ।
प्रतियोगितामा यसअघि काठमाडौं, भक्तपुर र ललितपुरका नागरिक र मतदाता रहेका उपत्यकाका सबै २ सय २४ वडाका १६ देखि २४ उमेर समूहका युवाहरुकाे विभिन्न फुटसल टिमलाई सहभागी गराइएकाे थियाे ।
उपत्यकाका २१ वटै स्थानीय तहबाट असार १४ गतेदेखि २२ गतेसम्ममा पालिका छनाेटका लागि पालिकामा वडास्तरीय खेल खेलाइएकाे थियाे। उपत्यकाका सबै पालिकाबाट २१ वटा टिम फाइनल राउण्डमा पुर्याइ २१ पालिकाका २१ टिमबीच शनिबार फाइनल खेल खेलाउन लागिएकाे हाे ।
प्रतियोगिताकाे विजेता टिमले २ लाख र उपविजेताले १ लाख नगद पुरस्कार पाउनेछन् । उत्कृष्ट १ जना खेलाडी र उत्कृष्ट १ गोल रक्षकलाई समान १०-१० हजार दिइनेछ ।
