श्री बौद्धनाथ क्षेत्र विकास समितिको सहयोगमा क्रिष्टल माला, चुरा, पोते बनाउने तालिम जारी

कपन अनलाइन

काठमाडौं जेठ ३२ । महिलाहरुको सिप तथा क्षमता अभिवृद्धि गराई आत्मनिर्भर बनाउने उदेश्य सहित क्रिष्टल माला, चुरा, पोते बनाउने तालिम जारी रहेको छ ।  श्री बौद्धनाथ क्षेत्र विकास समितिको आर्थिक सहयोग तथा दीपश्री क्रियटिभ मिडियाको आयोजनामा जेठ २८ गते देखि शुरु भएको उक्त तालिम असार३ गते सम्म  चल्नेछ । श्री बौद्धनाथ क्षेत्र विकास समितिको अध्यक्ष राजकुमार लामाले उद्घाटन गरेको उक्त तालिममा  काठमाडौं महानगरपालिका वडा नं ६ क्षेत्रमा बसोबास गर्ने २० जना  महिलाहरुको सहभागिता रहेको छ ।

काठमाडौं महानगरपालिका वडा नं ६ क्षेत्रमा बसोबास गर्ने २० जना बेरोजगार महिलाहरुलाई लक्षित गरि उनीहरुको क्षमता तथा विकास अन्तर्गत  ७ दिने  तालिम प्रदान गरेको हो महिलाहरु आर्थिक रुपमा कमजोर हुँदा पछाडि परेको  हुँदा उनीहरुलाई सीप सिकाइ  व्यवसायिक  र आत्मनिर्भर बनाउने प्रयास अनुरुप उक्त तालिमलाइ समितिले सहयोग गरेको श्री बौद्धनाथ क्षेत्र विकास समितिका सदस्य जानुका भण्डारी श्रेष्ठले जानकारी गराइन  ।

श्री बौद्धनाथ क्षेत्र विकास समितिले  बौद्धनाथ महाचैत्यको संरक्षण सम्बर्धन प्रवर्दन गर्नुको साथै क्षेत्रमा विकास निर्माण, ऐतिहासिक पुरातात्विक महत्वका सम्पदा संरक्षण गर्दै आएको छ भने   युवा तथा महिलाहरुको शिप बिकासका साथै  शिक्षा स्वास्थ्य लगायत विभिन्न सामाजिक अभियानहरु र जनचेतनामूलक कार्यक्रम गर्दै आइरहेको छ ।