लायन्स क्लब अन्तर्राष्ट्रिय डिस्ट्रिक ३२५ डी को प्रथम महाधिवेशन सम्पन्न
कपन अनलाइन
काठमाडौं,बैशाख १८ । लायन्स क्लब अन्तर्राष्ट्रिय डिस्ट्रिक ३२५ डी को प्रथम महाधिवेशन सम्पन्न भएको छ । शनिबार काठमाडौं सिमलटार स्थित स्थित सिद्धार्थ बुटिक होटेलमा डिष्ट्रिक गभर्नर लायन बिष्णु भाइ श्रेष्ठको अध्यक्षतामा सम्पन्न उक्त प्रथम महाधिवेशनमा प्रमुख अतिथिको रुपमा काठमाडौं क्षेत्र नं ३ का प्रतिनिधि सभा सदस्य सन्तोष चालिसे रहेका थिए भने बिशेष अतिथिको रुपमा गोकर्णेश्वर नगरपालिका प्रमुख दिपक कुमार रिसाल ,जि ए टि एरिया लिडर लायन खगेन्द्र सिटौला लगायत लायन्स लिडर तथा सदस्यहरुको उपस्थिति रहेको थियो।
लायन रमेश लामा लायन्स क्लब अन्तराष्ट्रिय ३२५ डी को डिस्ट्रिक गभर्नर पदमा चयन भएका छन । लामा संगै फस्ट भाइस डिस्ट्रिक गभर्नरमा लायन सुरेद्र प्रकाश बलाय एस भोट प्राप्त गरी उक्त पदमा चयन भएका छन् ।
अधिबेसनमा सेकेण्ड भाइस डिस्ट्रिक गभर्नरमा लायन महेश आचार्य विजयी भएका छन ।उनले उक्त पदका प्रत्यासी लायन किशोर भट्टराईलाइ पराजित गर्दै सेकेण्ड भाइस डिस्ट्रिक गभर्नरमा निर्वाचित भएका हुन।
कार्यक्रमलाइ सम्बोधन गर्दै लायन्स क्लब अन्तराष्ट्रिय ३२५ डी को डिस्ट्रिक गभर्नर लायन्स रमेश लामा फस्ट भाइस डिस्ट्रिक गभर्नर लायन सुरेद्र प्रकाश बलाय , सेकेण्ड भाइस डिस्ट्रिक गभर्नरमा निर्वाचित लायन महेश आचार्य लगायतले सम्बोधन गर्दै आफ्नो कार्यकालमा क्लबहरुलाई थप शसक्क्त र क्रियाशिल बनाउने उद्घोष गरेका थिए ।लायनस्टिक इयर २०२३। २०२४ को लागि क्याबिनेट सेक्रेटरीमा लायन श्रीधर भण्डारी लाइ मनोनित गरिएको छ ।
