दोस्रो  चित्र कुमार स्मृति भेट्रान क्लबको उपाधि ताकामी भेट्रानलाइ

कपन अनलाइन

काठमाडौं फाल्गुन २१ ।  बौद्ध भेट्रान क्लब द्वारा आयोजित दोस्रो  चित्र कुमार स्मृति भेट्रान क्लबको उपाधि ताकामी भेट्रानले जितेको छ । शनिबार भएको फाइनल  खेलमा किङ्स कम स्पोर्टस्लाई ट्राईब्रेकरमा ३-२ गोल अन्तरले  पराजित गर्दै ताकामी भेट्रानले उपाधि जितेको हो ।

जित संगै  ताकामी भेट्रानले नगद रु एक लाख ५० हजार सहित ट्रफी मेडल र प्रमाणपत्र प्राप्त  गरेको छ । उपविजेता किङ्स कम स्पोर्टस्ले नगद रु ७५ हजार सहित ट्रफी,मेडल र प्रमाणपत्र प्राप्त गरेको छ ।प्रतियोगितामा उत्कृष्ट गोल रक्षक सुनिल तामाङ, उत्कृष्ट मिडफिल्डर टिका कार्की उत्कृष्ट खेलाडी सागर थापा उत्कृष्ट डिफेन्डर रितेश थापा घोसित भएका थिए ।उनीहरुले जनही ५ हजार नगद सहित ट्रफी प्राप्त गरे।

फागुन १४ गते देखि  बौद्ध नगरस्थित फुटबल ग्राउण्डमा शुरु भएको उक्त प्रतियोगितामा २४ टिमको सहभागिता भाग लिएका थिए ।शनिबार बौद्ध भेट्रान क्लबका अध्यक्ष विवेक लामाको अध्यक्षतामा भएको समापन सत्रको प्रमुख अतिथि बागमती प्रदेश सभा सदस्य छिरिङ दोर्जे लामा रहेका थिए भने बिशेष अतिथिको रुपमा गोकर्णेश्वरका नगरपालिका  प्रमुख दीपककुमार  रिसाल, बौद्धनाथ क्षेत्र विकास समितिका अध्यक्ष राजकुमार लामा, गोकर्णेश्वर खेलकुद विकास समितिका अध्यक्ष संजय लामा लगायत आयोजक संस्थाका पदाधिकारी सहित खेल प्रेमी दर्शकहरुको बाक्लो उपस्थिति रहेको थियो ।