चन्द्रागिरि नगरपालिका-५ दुरसञ्चार मुल सडक छेउमा एक युवा मृत भेटिए

कपन अनलाइन

भक्तपुर,  माघ २८।

चन्द्रागिरि नगरपालिका-५ दुरसञ्चारस्थित मुल सडक छेउमा एक युवा मृत फेला परेका छन् ।

प्रहरीका वृत्त थानकोटका अनुसार चन्द्रागिरि नगरपालिका-५ डेरा गरी बस्ने मकवानपुर घर भएका २२ वर्षीय सुरेश लामा मृत फेला परेका हुन् ।

लामा सडक छेउमा विद्युतको पोल गाड्न खनिएको खल्डोभित्र शुक्रबार बिहान मृत अवस्थामा फेला परेका थिए । घटनाका सम्बन्धमा थप अनुसन्धान जारी रहेको प्रहरीले जनाएको छ ।