शैक्षिक उन्नयन संगै सामाजिक सेवामा प्रशान्ती एकेडेमी बुढानिलकण्ठ-१२
कपन अनलाइन
काठमाण्डौ ,माघ ९।
प्रशान्ती एकेडेमी बुढानिलकण्ठ नगरपालिका वडा नं १२ ले शैक्षिक उन्नयन संगै सामाजिक सेवालाई निरन्तरता दिने क्रममा शैक्षिक सामाग्री वितरण गरेको छ।
सिन्धुली जिल्ला फिक्कल गाउँपालिका वडा नं ५ को आधारभुत बिधालय बारबिसे ठुल्ढुङ्गामा अध्ययन गर्ने सम्पुर्ण छात्रछात्रालाई सामाग्री वितरण गरेको हो।
प्रशान्ती एकेडेमीका अध्यक्ष मुरारी भण्डारी ,प्रिन्सिपल समिर बास्तोला, वोर्ड डाइरेक्टर कुमार कसजु तथा अन्य व्याक्तित्वहरुको ऊपस्थितिमा न्यानो कपडा तथा शैक्षिक सामाग्री वितरण गरिएको छ ।
छात्रछात्रालाई सामाग्री वितरणका गर्दै अध्यक्ष भण्डारीले सो पुण्य कार्य गर्न पाएकोमा खुसी लागेको बताउदै आगामी दिनमापनि सहयोग गर्दै जाने प्रतिवदत्ता व्यक्त गरेका थिए।
गाउँपालिका उपाध्यक्ष राजु बरालको आतिथ्यता र कार्यपालीका सदस्य सावित्रा थापा मगरको अध्यक्षतामा भएको कार्यक्रममा प्रिन्सिपल बास्तोलाले सहयोगी सबै प्रति आभार प्रकट गर्दै आयोजक श्री आधारभुत विधालय ठुल्ढुंगाको टिमलाई धन्यवाद दिएका थिए ।
