बंगलादेशमा हुने चौथो अन्तर्राष्ट्रिय खुल्ला करांते च्याम्पियनशिपमा गोकर्णेश्वर बाट प्रतिनिधित्व गर्ने खेलाडीलाइ खेल सामाग्री प्रदान

कपन अनलाइन

काठमाडौं पौष १८ ।  बंगलादेशमा आयोजना हुने चौथो अन्तर्राष्ट्रिय खुल्ला करांते च्याम्पियनशिप २०२३मा  गोकर्णेश्वर नगरपालिकाको    तोयाकान नेपाल बादोरियो कराते डो  संघ  बाट   सहभागी हुने खेलाडीहरुलाई खेलकुद सामग्री हस्तान्तरण गरिएको छ  ।

गोकर्णेश्वर नगरपालिका वडा नं ९ को कार्यालयमा एक कार्यक्रमका बीच चौथो अन्तर्राष्ट्रिय खुल्ला करांते च्याम्पियनशिप २०२३मा  गोकर्णेश्वर नगरपालिका बाट सहभागी हुने अफिसियल सहित खेलाडीहरुलाई  गोकर्णेश्वर नगरपालिकाका प्रवक्ता एबम वडा नं ५ का वडा अध्यक्ष नारायण बहादुर सुवेदीले  प्रमुख प्रशिक्षक अरुण कुमार कार्की ,नगरपालिका खेलकुद विकास समितिका अध्यक्ष संजय लामा र वडा अध्यक्ष राजीव थापालाइ  ट्रयाकशुट  र खेल सामग्री प्रदान गरेका हुन ।

नगरपालिका बाट ५  जना अफिसियल सहित १२ जना खेलाडीहरुले उक्त प्रतियोगितामा  प्रतिनिधित्व  गरेका छन । सामाग्री हस्तान्तरण गर्दै नगर  प्रवक्ता समेत रहेका गोकर्णेश्वर नगरपालिका वडा नं ५ का वडा अध्यक्ष नारायण बहादुर सुवेदीले  चाखेलाडीहरुलाई नगरपालिकाको नाम राख्ने गरि उत्कृष्ट प्रदर्शन गर्दै उच्च मनोबलका साथ प्रतियोगितामा सहभागी हुँदै विजयी हासिल गरेर र्फकन शुभकामना दिएका थिए । कार्यक्रममा गोकर्णेश्वर नगरपालिका वडा नं ४का वडा अध्यक्ष जयराम महत सहित खेलाडीहरुको सहभागिता रहेको थियो ।