नेकपा एस निकट अनेरास्ववियुका उपमहासचिव दिपक फुँयाल नेकपा एमालेमा प्रवेस
कपन अनलाइन
काठमाडौँ, कात्तिक ८ ।
नेकपा एस निकट अनेरास्ववियुका उपमहासचिव दिपक फुँयाल नेकपा एमालेमा प्रवेस गरेका छन।
ओखलढुंगा काठमाण्डौ सम्पर्क मंचले आयोजना गरेको शुभकामना आदान प्रदान तथा देउसी भैलो कार्यक्रममा नेकपा एमाले प्रवेस गरेका फुँयाललाई नेकपा एमालेका स्थायी कमिटी सदस्य तथा विदेस विभाग प्रमुख डा. राजन भट्टराई लगायतका नेताहरुले स्वागत गरेका थिए।
काठमाण्डौ सुकेधारामा रहेको नवदुर्गा पार्टी प्यालेसमा आयोजना भएको कार्यक्रममा फुँयाल सहित नेकपा एसका अन्य जिल्ला स्तरीय नेताहरु पनि नेकपा एमालेमा प्रवेस गरेका छन।
ओखलढुंगा जिल्लाबाट काठमाण्डौ आइ बसोवास गरेकाहरुको बाक्लो उपस्थिति रहेको सो कार्यक्रममको प्रमुख अतिथि नेकपा एमालेका बरिस्ट उपाध्यक्ष ईश्वर पोखरेल रहेका थिए।
सो कार्यक्रममा ओखलढुंगा जिल्लाको प्रतिनिधि सभा सदस्य उम्मेदवार यज्ञराज सुनुवार ,प्रदेस सभा क्षेत्र नं १ का उम्मेदवार अम्बिर बाबु गुरुङ र प्रदेस सभा क्षेत्र नं २ का उम्मेदवार ज्ञान बहादुर खड्काले सम्बोधन गरेका थिए ।
