संस्थागत बिध्यालय संघ (इसान)का केन्द्रीय अध्यक्ष भिम बहादुर दर्लामी मगर रहेनन

कपन अनलाइन

काठमाडौँ, असोज ६ । संस्थागत बिध्यालय संघ इसानका केन्द्रीय अध्यक्ष भिम बहादुर दर्लामी मगरको ४२ बर्षको उमेरमा  निधन भएको छ। बुधबार उनको उपचारको क्रममा नेपाल मेडिकल कलेज अत्तरखेलमा निधन भएको हो । केहि समय अगाडी गम्भीर दुर्घटनामा परेका उनको बुधबार निधन भएको हो । गोकर्णेश्वर नगरपालिकास्तरीय परिक्षा समितिका सदस्य एबम एकता जेम्स इंगलिस एकेडेमी प्लस टु ,एकता जेम्स टेक्निकल फाउन्डेसन नयांबस्ती र युनिक बोर्डिंग स्कुल अर्घाखाँचीका संस्थापक प्रिन्सिपल समेत रहेका दर्लामीले शैक्षिक क्षेत्रमा अतुलनीय योगदान पुर्याएका थिए ।

अत्यन्त मिलनसार, सकारात्मक, उत्प्रेरक र सकृय शिक्षाकर्मी दर्लामीको निधनले नेपालको शिक्षा क्षेत्रमा अपुरनीय क्षति भएको उनका सहकर्मी लगायत शुभिचिन्तकहरुले बताएका छन्।दर्लामीको निधनमा गोकर्णेश्वरका बिभिन्न शैक्षिक संघ संस्थाहरुले शोक ब्यक्त गर्दै संयुक्त प्रेस विज्ञप्ती निकालेर असोज ७ गते शुक्रबार  क्षेत्रका  सम्पूर्ण निजी विद्यालयहरु बन्द गर्न आफ्ना सदस्यलाई अपील गरेका छन् ।