सिर्जना संवादमा डा. अमर गिरी

कपन अनलाइन  

काठमाडौँ, भाद्र १९। जनसाहित्यिक मञ्च, नेपालको आयोजनामा  काठमाडौंको जोरपाटी स्थित रिडर्स इन्टरनेसनल मोडेल स्कुल (रिम्स)मा    सिर्जना संवाद कार्यक्रम सम्पन्न भएको छ । संस्थाका अध्यक्ष डा. पुष्करराज भट्टको अध्यक्षता एवं महासचिव बालमुकुन्द कार्कीको सञ्चालनमा सम्पन्न  कार्यक्रम  रामचन्द्र खतिवडाले स्वागत मन्तव्य  राखेका थिए । सिर्जना संवादको पहिलो  कार्यक्रममा वरिष्ठ कवि एवं समालोचक डा. अमर गिरीलार्ई प्रस्तुत गरिएको थियो ।

चार दशक अघिदेखि नेपाली साहित्य क्षेत्रमा सक्रिय  रहेका डा.  गिरीका कविताका चार कृतिका साथै संस्कृतिसम्बन्धी पुस्तक प्रकाशित छन् । डा. गिरी चलचित्र विकास बोर्डका  पूर्व अध्यक्ष, नेपाल प्रज्ञा प्रतिष्ठानका पूर्व प्राज्ञ परिषद सदस्य एवं प्रगतिशील लेखक संघका पूर्व अध्यक्ष रहिसकेका छन   । उनि  हाल भाषा आयोगका सदस्यका रुपमा कार्य गरिरहेका छन   ।

कार्यक्रममा  डा. अमर गिरीले आफ्ना १२ कविता प्रस्तुत गर्नुको साथै आफ्नो लेखनयात्रा एवं कविता सम्बन्धी दृृष्टिकोण प्रस्तुत गरेका थिए  ।  सो कार्यक्रममा  सहभागीका तर्फबाट दीपसागर पन्त, रघुनाथ कडरिया, विश्वनाथ प्याकुरेल, उद्दव प्याकुरेल, डम्मरु बल्लभ गडतौला, हेमन्त प्रकाश दाहालले जिज्ञासा  राखेका थिए भने   सो जिज्ञासामाथि डा. गिरीले आफ्ना दृष्टिकोण राखेका थिए  । कार्यक्रममा विश्वनाथ प्याकुरेल एवं गोपाल बरालले शुभकामना मन्तव्य  राखेका थिए  । सिर्जनात्मक प्रस्तुतिका साथै अन्तर्क्रियामूलक कार्यक्रममा सहभागीले चाखपूर्वक सहभागिता जनाएका थिए  । कार्यक्रममा करिब  पचास जना जतिको सहभागिता रहेको थियो  ।