दीक्षालय स्कुल कपनलाई युरो कप अन्तरविद्यालय बास्केटबलको उपाधि

कपन अनलाइन

काठमाण्डौ ,भाद्र १७।

दीक्षालय स्कुल कपनलाई युरो कप अन्तरविद्यालय बास्केटबलको उपाधि जितेको छ।पुरुषतर्फ १८ वटा र महिलातर्फ ११ वटा विद्यालय सहभागी भएको उक्त प्रतियोगितामा  महिलातर्फको  काष्टमण्डप माविलाई १०–२३ को फराकिलो अङ्कले हराउँदै दीक्षालय स्कूल कपन प्रथम बनेको छ । सो प्रतियोगितामा दीक्षालय स्कुलकी पेम्बा शेर्पाले उत्कृष्ट खेलाडी उपाधी हासिल गरेकी छिन् ।

नेपाल बास्केटबल एसोशियसनका सदस्य सचिव नरेन्द्र थापाको प्रमुख आतिथ्यमा समापन भएको कार्यक्रममा विजेताहरूलाई ट्रफी, मेडल र प्रमाण पत्र वितरण गरिएको थियो ।

भदौ ९ गते उद्घाटन भएको प्रतियोगितामा उपत्यकाका ३० वटा विद्यालयहरू सहभागी जनाएका थिए ।