लायन्स क्लब अफ काठमाडौं नयाँपाटी भिक्टोरियस द्वारा आयोजित रक्तदान सम्पन्न
कपन अनलाइन
काठमाडौं भाद्र ६ । काठमाडौं महानगरपालिका वडा नं बौद्ध पाटीटार स्थित रुद्रेश्वर मन्दिर प्राङ्गणमा रक्तदान कार्यक्रम सम्पन्न भएको छ । लायन्स क्लब इन्टरनेसनल डिस्ट्रिक ३२५ डी अन्तर्गतको लायन्स क्लब अफ काठमाडौं नयाँपाटी भिक्टोरियसको आयोजना तथा काइजेन फर किड्स प्री स्कुल डे केयरको प्रायोजनमा शनिबार बिहान १० बजे देखि अपरान्ह २ बजे सम्म चलेको उक्त कार्यक्रममा २३ जनाले रक्तदान गरेको क्लब का प्रेसिडेन्ट बुद्ध कृष्ण बजगाईले कपन अनलाइनलाइ जानकारी गराए।
उक्त रक्तदान कार्यक्रमलाइ हौसला बढाउन लायन्स क्लब इन्टरनेसनल डिस्ट्रिक ३२५ डीका डिष्ट्रिक गभर्नर लायन बिष्णुभाइ श्रेष्ठ फर्स्ट भाइस डिस्ट्रिक गभर्नर लायन रमेश लामा सेकेन्ड भाइस डिस्ट्रिक गभर्नर लायन सुरेन्द्र प्रकाश बलाय लगायत लायन्स लिडरहरुको उपस्थिति रहेको थियो । छोटो छोटो समयको तयारी तथा बिभिन्न स्वास्थ्य तथा अन्य कारणले गर्दा जम्मा २३ जनाले रक्तदान गरेको बताउदै रक्तदान गर्न इच्छुक ब्यक्तिले समेत रक्तदान गर्न नसकेको जानकारी गराउदै कार्यक्रम सफलता पुर्वक सम्पन्न गर्न सहयोग गर्ने सबैलाई प्रेसिडेन्ट बुद्ध कृष्ण बजगाईले धन्यवाद सहित आगामी दिनमा पनि यस्तै सहयोगको अपेक्षा गरेका छन ।
