गोकर्णेश्वरमा दोस्रो उप मेयर कप खुल्ला महिला सेभेन ए साइड फुटबल प्रतियोगिता हुने

कपन अनलाइन

काठमाडौँ, जेठ २० । गोकर्णेश्वर नगरपालिका वडा नं ४ मा रहेको गोकर्णेश्वर युवा जागरण क्लब (GFG)ले दोस्रो उप मेयर कप खुल्ला महिला  सेभेन ए साइड फुटबल प्रतियोगिता आयोजना गर्ने भएको छ ।

असार १० गते देखि शुरु हुने उक्त प्रतियोगितामा  सहभागी हुन चाहने इच्छुक  टिमलाइ असार ७ गतेभित्र टिम दर्ता गर्न आयोजकले  आग्रह गरेको छ। स्थानीय तहबाट खेलाडी उत्पादन र खेल स्पर्धा विस्तार गर्न गोकर्णेश्वर युवा जागरण क्लब (GFG)ले  नगरपालिकासँग सहकार्य गरि प्रतियोगिता संचालन गर्न लागेको क्लबका अध्यक्ष विकेश श्रेष्ठले कपन अनलाइनलाइ जानकारी गराए। उनका अनुसार उक्त प्रतियोगितामा  प्रथम  र दितीय हुनेले क्रमश नगद रु ५० हजार र २५ हजार सहित ट्रफी मेडल र प्रमाण प्राप्त गर्नेछन ।थप जानकारीको लागि  सम्पर्क नं  बिकेश श्रेष्ठ : ९८४९०६००३८ रबिन श्रेष्ठ : ९८६२४०७९८९  अमित श्रेष्ठ :  ९८१३५२३६१६