गोकर्णेश्वर -९ मा पुन निर्वाचित वडा अध्यक्ष राजिब थापा सहित सदस्यहरुले पदभार ग्रहण गरे

कपन अनलाइन

काठमाडौं, जेठ १० ।  गोकर्णेश्वर  नगरपालिका वडा नं ९  मा पुन  निर्वाचित वडा अध्यक्ष  राजिब थापा  तथा सदस्यहरुले सोमबार पदभार ग्रहण गरेका छन ।  सोमबार नै  नगरपालिकाको सभाहलमा नगर प्रमुख दिपक रिसालले पद तथा  गोपनियता सपथ खुवाए संगै वडा कार्यलय पुगी वडा अध्यक्ष राजिब थापा लगायत वडा सदस्यहरु उमेश चालिसे , लक्ष्मी देवी गुरुङ श्रीकृष्ण कारंजित र गमला कुमारी परियारले  पदभार ग्रहण गरेका हुन  । नवनिर्वाचित वडा अध्यक्ष सहित सदस्यहरुलाई वडा कार्यालयमा वडा सचिब संगिता बराल सहित अन्य  कर्मचारीहरुले स्वागत गरेका थिए।

पदभार ग्रहण गरे संगै निर्वाचित वडा अध्यक्ष राजीव थापाले  आम मतदातालाइ  धन्यवाद दिदै बिगतमा अधुरा रहेका र थप नया कामलाई प्राथमिकताका साथ अगाडी बढाउने  बताएका छन । यसअघि ०७४ सालको स्थानीय तहको निर्वाचनमा  वडा नम्बर ९  को अध्यक्षमा निर्वाचित भएका  थापा पुन दोस्रो कार्यकालको लागि नेकपा एमालेका उम्मेदवार राजेश सिंह ठकुरीको टिमलाई  पराजित गर्दै  निर्वाचित भएका हुन ।अध्यक्षमा निर्वाचित थापाले  ७१०  मत प्राप्त गरेका थिए भने  उनका निकटतम प्रतिद्वन्द्वी  ठकुरीले १८१  मत पाएका थिए  ।