चन्द्रागिरी – १४ नैकापमा गाडीको ठक्कर बाट पैदल यात्रुको मृत्यु

कपन अनलाइन

काठमाडौं, जेठ १० ।  चन्द्रागिरी नगरपालिका वडा नं १४  नैकापमा दुध बोक्ने गाडीको ठक्करबाट पैदलयात्रुको मृत्यु भएको छ ।प्रहरीका अनुसार चन्द्रागिरि नगरपालिका वडा नं १४ नैकाप स्थित भित्री सडकमा मंगलबार बिहान  ५ बजे धादिङको ज्वालामुखी गाउँपालिका–५ बस्ने २२ वर्षीय मानबहादुर दुवाडीले चलाएको दूध बोक्ने बा प्र०१–०२६ च २१५१ नम्बरको गाडीले पैदलयात्रीलाई ठक्कर दिएको थियो । दुर्घटनामा परी गम्भीर घाइते भएका पैदलयात्री ध्रुवप्रसाद रेग्मीलाइ  उद्धार गरी उपचारको लागि अस्पताल पुर्याए पश्चात  उपचारको क्रममा रेग्मीको मृत्यु भएको प्रहरीले जनाएको छ । प्रहरीले गाडी चालक र गाडीलाई नियन्त्रणमा लिइ थप अनुसन्धान गरिरहेको जानकारी गराएको  छ ।