नमुना कृषक डिल्ली प्रसाद खतिवडा दोश्रो पटक बुढानिलकण्ठ -१२ को चुनावी मैदानमा
कपन अनलाइन
काठमाण्डौ , बैशाख २५।
२०७४ सालको निर्वाचनमा बुढानिलकण्ठ नगरपालिका वडा नं १२ को सदस्यमा निर्वाचित भएका डिल्ली प्रसाद खतिवडा जनप्रतिनिधि संगै एक नमुना कृषक पनि हुन्।
बुढानिलकण्ठ नगरपालिका वडा नं १२ बालकुमारी विद्यालय नजिक महादेव कृषि फार्म संचालन गरेका खतिवडाले वडाको विकास निर्माण र सामाजिक सेवाको क्षेत्रमा महत्वपूर्ण योगदान दिएका छन।
विगत ४२ वर्ष देखि गाई पालन मार्फत कृषि क्षेत्रमा सक्रिय रहेका खतिवडाको फार्ममा अहिले ४२ वडा गाइ रहेका छन। कृषि क्षेत्रमा उनले पुर्याएको योगदानका लागि विभिन्न पुरस्कार र सम्मान पाएका खतिवडाले दर्जनौलाई रोजगार समेत दिएका छन।
५ वर्षमा बटुलेको अनुभव र वडावासीले दिएको मायाको कदर गर्दै दोश्रो पटक निर्वाचनको मैदानमा उत्रिएको बताउने खतिवडाले संचालन गरेको सो कृषि फार्ममा अध्ययन अनुसन्धानका लागि संस्था र व्यक्तिहरु आउने गरेका छन ।
