को बन्दैछ बुढानिलकण्ठमा नेकपा एमालेको नगर प्रमुख उम्मेदवार ?

कपन अनलाइन

काठमाण्डौ ,बैशाख ११।

को बन्दैछ बुढानिलकण्ठमा नेकपा एमालेको नगर प्रमुख उम्मेदवार ? यो प्रश्न अहिले नगरपालिकामा अत्याधिक सोधिने प्रश्न हो।

नेकपा एमाले बुढानिलकण्ठ नगर कमिटीले ५ जनाको नाम सिफारिस गरेको छ भने जिल्ला कमिटीले प्रदेस कमिटीमा सिफारिस गरेका नामहरु भने गोप्य राखिएको छ।

बैशाख १२ गते अपरान्ह उम्मेदवार सार्वजनिक तयारी गरेको काठमाण्डौ जिल्ला कमिटीले जिल्लाका १३८ वटै वडाका उम्मेदवारहरु भने लगभग टुंगो लगाएको श्रोतले जानकारी दिएको छ।

बुढानिलकण्ठको नगर प्रमुखका लागि नेकपा एमाले बुढानिलकण्ठले उद्दव खरेल,बिदुर विक्रम खड्का,मिठाराम अधिकारी,संगम गहतराज र रमा राईको नाम सिफारिस गरेको छ।

२०७४ सालको स्थानीय तहको निर्वाचनमा १३ मध्ये ११ वडा जितेको नेकपा एमाले बुढानिलकण्ठले केहि वडाहरुमा अध्यक्ष परिवर्तन गरेको छ भने अधिकांश स्थानमा ५ वर्ष काम गरेका जनप्रतिनिधिहरुलाई नै प्राथमिकतामा राखेको नगर कमिटीका एक पदाधिकारीले बताएका छन।