गोकर्णेश्वर नगरपालिका वडा नं ४ को बाटो बन्द हुने सुचना

कपन अनलाइन

काठमाडौं, चैत्र २४। गोकर्णेश्वर नगरपालिका वडा नं ४ ले बाटो बन्द हुने सम्बन्धी सार्वजनिक सुचना जारी गरेको छ ।वडा अध्यक्ष श्रीकुमार श्रेष्ठले जारी गरेको उक्त सुचनामा गोकर्णेश्वर नगरपालिका वडा नं ४ को जोरपाटी सुन्दरीजल सडक खण्ड अन्तर्गत पर्ने गोकर्ण हनुमानचोक चन्द्रमति खोला देखि सुर्यमति खोलाको पुल सम्म बाटो कालोपत्रे गर्ने कार्य रहेको हुँदा मिति २०७८ साल चैत्र २५ गते शुक्रबार बेलुकी ८ बजे देखि २६ गते शनिबार बेलुकी सम्म सवारी साधन आवतजावतमा रोक लगाइने भएको हुँदा बैकल्पिक मार्ग प्रयोग गर्न सार्वजनिक सुचना मार्फत अनुरोध गरिएको छ। साथै  सो कार्य बाट पर्न जाने असुविधा प्रति वडा कार्यालय क्षमा प्रार्थी रहेको  उल्लेख गरिएको छ ।